मगंसिर २०,
बिनोद ठाकुर
लैगिक हिंसा विरुद्धको १६ दिने अभियान अन्तर्गत सिरहाको मिर्चैया नगरपालिकाले पनि आज एक सचेतनामुलक कार्यक्रम गरी मनाएको छ ।
सभ्य समाजको पहिचान, लैगिंक हिंसा विरुद्धको अभियान नारा सहित नगरपालिकाबाट शुरु गरिएको उक्त कार्यक्रम नगरपालिकाको बिभिन्न भाग परिक्रमा गर्दै मोहन मा.वि अगाडि पुगी कार्यक्रम सम्पन्न भएको थियो ।
हरेक वर्ष नोभेम्बर २५ देखी डिसेम्बर १० सम्म मनाउने गरेको अवसरमा आज मिर्चैया नगरपालिकाले बिभिन्न सचेतनामुलक कार्यक्रम गरी सम्पन्न गरेको हो । नगरपालिकाकी उपमेयर जिबछी देबी शाहको अध्यक्ष्तामा सम्पन्न भएको उक्त कार्यक्रममा प्रमुख अथिति नगर प्रमुख श्रवण कुमार यादबले आफनो मन्तव्य राखनुभएको थियो ।
त्यस्तै विशिष्ट अथितिमा मिर्चैया नगरपालिकाको मेडिकल सुपरिडेन्टेन्ट डा सरिका गोइत, नगरपालिकाका प्रशासन शाखा प्रमुख जीत कुमार शाह लगायत बिभिन्न सरकारी तथा गैर सरकारी स्थाका प्रतिनिधिहरुको उपस्थिति रहेको थियो । मिर्चैया नगष्रपालिकाको आयोजनामा गरिएको उक्त कार्यक्रममा संतोषी यादबले सहजीकरण गर्नुभएको थियो ।
